Խմբավարություն
Դիրիժորություն - Խմբավարություն
Ընդհանուր տեղեկատվություն
Շնորհվող որակավորումը․ Արվեստի բակալավր
Մասնագիտության / ԿԾ դասիչը․ 021502.00.6 / 021502.02.6
Որակավորման մակարդակը․ Բարձրագույն կրթության առաջին աստիճան (ՈԱՇ 6-րդ մակարդակ)
Ուսումնական աշխատածավալը․ 240 կրեդիտ (ECTS)
Ուսման տևողությունը և ձևը․ 4 տարի (8 կիսամյակ), առկա ուսուցում
Ամբիոն․ Խմբավարության և սիմֆոնիկ դիրիժորության ամբիոն
Ծրագրի նպատակները
- Ուսանողներին օժտել պրոֆեսիոնալ դիրիժորական տեխնիկայով, կատարողական վարպետությամբ և ստեղծագործական խմբերի հետ աշխատանքի մեթոդաբանությամբ։
- Պատրաստել խմբերգային երաժշտության բարձրակարգ մեկնաբաններ և կազմակերպչական ու թիմային աշխատանքի ունակ մասնագետներ։
Կրթական ծրագրի վերջնարդյունքները
Ծրագրի հաջող ավարտին ուսանողը կկարողանա.
- Կատարել և մեկնաբանել տարբեր դարաշրջանների արտասահմանյան և հայ խմբերգային երաժշտություն։
- Կազմավորել և ինքնուրույն աշխատել տարբեր տեսակի պրոֆեսիոնալ և սիրողական երգչախմբերի հետ՝ վարելով արդյունավետ փորձեր։
- Տիրապետել դիրիժորական տեխնիկայի հիմնական հնարքներին, արտահայտչամիջոցներին և ձայնարտադրության օրինաչափություններին։
- Իրականացնել համերգային և բեմական գործունեություն, հանդես գալ որպես խմբավար-կատարող։
- Վերլուծել երաժշտական ստեղծագործության կատարումն ու մեկնաբանման ոճական առանձնահատկությունները։
- Ցուցաբերել լայն գիտելիքներ հայ և արտասահմանյան երաժշտության պատմության, տեսության, ներդաշնակման և խմբերգային պարտիտուրի ընթերցման ոլորտներում։
Ծրագրի կառուցվածքը և Կրեդիտները
Ընդհանուր ծավալը՝ 240 կրեդիտ (230 դասընթացներ + 10 ամփոփիչ ատեստավորում)։
- Մասնագիտական կրթամաս (Դիրիժորություն)․ 72 կրեդիտ (Մասնագիտության գործնական դասընթացներ և 10 կրեդիտ ամփոփիչ ատեստավորում)։
- Ընդհանուր մասնագիտական դասընթացներ․ 127 կրեդիտ (Խմբերգային պարտիտուրի ընթերցում, Երգչախմբային դասարան, Երգչախմբի հետ աշխատանքի մեթոդաբանություն, Խմբերգային գրականություն, Վերադաշնակում, Երգչախմբագիտություն և այլն)։
- Հումանիտար և մանկավարժական դասընթացներ․ 41 կրեդիտ (ներառում է Մանկավարժություն, Հոգեբանություն, Դասավանդման մեթոդաբանություն, Մանկավարժական և Նախադիպլոմային պրակտիկաներ)։
Ընդունելության պայմաններ
Քննություններ․ Մասնագիտություն (դիրիժորություն), սոլֆեջո (եռաձայն թելադրություն), հարմոնիա (խնդիր)։ Քննությունների մանրամասն պահանջներին ու փաստաթղթերի ցանկին ծանոթացեք Ընդունելություն բաժնում։
Միասնական Ներառական կրթության քաղաքականություն
ԵՊԿ-ն նպաստում է իր բոլոր ուսանողների, այդ թվում՝ կրթության առանձնահատուկ պայմանների կարիք ունեցող (ԿԱՊԿՈՒ) անձանց լիարժեք ուսումնառությանը՝ ապահովելով անհրաժեշտ պայմաններ մասնագիտական գիտելիքների, կարողությունների և հմտությունների ձեռքբերման համար։
