Ակադեմիական երգեցողություն

Ընդհանուր տեղեկատվություն

Շնորհվող որակավորումը․ Արվեստի բակալավր

Մասնագիտության / ԿԾ դասիչը․ 021502.00.6 / 021502.04.6

Ուսումնական աշխատածավալը․ 240 կրեդիտ (ECTS)

Ուսման տևողությունը և ձևը․ 4 տարի (8 կիսամյակ), առկա ուսուցում

Ամբիոն․ Ակադեմիական երգեցողության ամբիոն

Մասնագիտացումներ․ Օպերային երգեցողություն, Կամերային երգեցողություն (երգչախմբի կամ կամերային կազմերի երգիչ)

 

Ծրագրի նպատակները

• Ձևավորել պրոֆեսիոնալ վոկալ տեխնիկա, բեմական կատարման վարպետություն և դերասանական հմտություններ։
• Ուսանողներին ծանոթացնել հայ և արտասահմանյան օպերային ու կամերային հարուստ երգացանկին և եվրոպական լեզուների վոկալ առոգանությանը։

 

Կրթական ծրագրի վերջնարդյունքները

Ծրագրի հաջող ավարտին ուսանողը կկարողանա.

1.  Կատարել և մեկնաբանել դասական օպերային և կամերային երաժշտության կարևոր ստեղծագործություններ (արիաներ, մեներգեր, դերերգեր) որպես մենակատար։
2. Տիրապետել վոկալ տեխնիկայի հիմունքներին, ձայնի կառավարմանը և բեմական շարժման ու դերասանական վարպետության հմտություններին։
3. Ապահովել հիմնական եվրոպական լեզուների (իտալերեն, գերմաներեն, ֆրանսերեն, անգլերեն) ճիշտ վոկալ առոգանությունն ու արտասանությունը կատարման ժամանակ։
4. Համագործակցել նվագակցողների, վոկալ անսամբլի և օպերային թատրոնի/դասարանի ստեղծագործական կազմի հետ:
5. Վերլուծել կատարվող ստեղծագործությունների ոճական, ժանրային և կատարողական բարդությունները։
6. Ցուցաբերել գիտելիքներ վոկալ արվեստի պատմության, երաժշտության տեսության և վոկալ մեթոդաբանության հիմունքների վերաբերյալ։

 

Ծրագրի կառուցվածքը և Կրեդիտները

Ուսումնական պլանը բաղկացած է 240 կրեդիտից (230 դասընթացներ + 10 ամփոփիչ ատեստավորում)։

1.  Մասնագիտություն և գործնական դասընթացներ․ 98 կրեդիտ (ներառում է Վոկալ անսամբլ, Օպերային դասարան, Օպերային դերերգի ուսուցում կամ Վոկալ-կամերային անսամբլ և 10 կրեդիտ ամփոփիչ ատեստավորում)։
2. Ընդհանուր մասնագիտական դասընթացներ․ 90 կրեդիտ (Պար և բեմական շարժում, Դերասանի վարպետություն, Սոլֆեջո (16 կրեդիտ), Հարմոնիա, Վոկալ արվեստի պատմություն, Ընդհանուր դաշնամուր)։
3. Հումանիտար և մանկավարժական դասընթացներ․ 52 կրեդիտ (ներառում է Վոկալ մեթոդաբանության հիմունքներ, Օտար լեզուներ՝ անգլերեն, իտալերեն, գերմաներեն, ֆրանսերեն՝ յուրաքանչյուրը 6 կրեդիտ, Մանկավարժական պրակտիկա)։

 

Ընդունելության պայմաններ

Քննություններ․ Մասնագիտություն (ծրագրի կատարում), սոլֆեջո (միաձայն թելադրություն), երաժշտության տարրական տեսություն։ Պահանջներին ու փաստաթղթերի ցանկին ծանոթացեք Ընդունելություն բաժնում։

 

Միասնական Ներառական կրթության քաղաքականություն

ԵՊԿ-ն նպաստում է իր բոլոր ուսանողների, այդ թվում՝ կրթության առանձնահատուկ պայմանների կարիք ունեցող (ԿԱՊԿՈՒ) անձանց լիարժեք ուսումնառությանը՝ ապահովելով անհրաժեշտ պայմաններ մասնագիտական գիտելիքների, կարողությունների և հմտությունների ձեռքբերման համար։